Psa 4 | PONPDN | STEP | KOT kapung pa i, kom kotin mani ia ni ai likelikwir. Pwe kom kin kotin kamait ia la ni ai ansau apwal. Kom kotin maki on ia o mani ai kapakap.

Psalms 4

1 KOT kapung pa i, kom kotin mani ia ni ai likelikwir. Pwe kom kin kotin kamait ia la ni ai ansau apwal. Kom kotin maki on ia o mani ai kapakap.
2 Komail saumas akan! Arai da mar ai pan susued? Arai da omail pok on me mal kot, o omail perenki likam? Sela.
3 Komail lolekongala, ap asa, me Ieowa kotin piladar sapwilim a lelapok o. Ieowa kin kotin mangi ia ni ai likelikwir ong i.
4 Ni omail makar, komail der wia dip. Komail madamadauaki mongiong omail ni omail wendi pon los o ap auiaui. Sela.
5 Komail mairongki mairong pung o liki Ieowa.
6 Me toto kin inda: Is me pan kasale ong kitail me mau kan? A Ieowa, kom kotin kamaraine kin kit marain en silang omui!
7 Komui kotin kaperenda mongiong i laud sang ansaun arail wain o korn me toto.
8 I kin wonon o mamair ni popol; pwe komui ta Maing, me kotin sauas a ia da, pwe i en kak moleilei.